Seguro que algunha vez lestes ou oístes a expresión “La Salle, vivo entre nós”. Pero, ¿quen son eses “nós” E, ¿como vive entre eles?

         “Nós” son os Irmáns. Para eles vive nos seus escritos, que len para comprender a súa vida e mensaxe. Vive como modelo de seguimento de Xesús e de atención ás necesidades dos nenos pobres e abandonados. Vive na oración, na que poden ser fieis á súa intención de servizo.

         “Nós” son os profesores e profesoras. As ideas educativas e a forma de tratar aos nenos de Xoán Bautista crearon un estilo que é o que distingue os Colexios La Salle. Iso é o que tratan de continuar os mestres e mestras: atención á persoa, e non só ao “estudante”; preocupación por cada un, e non só pola clase; facer ao alumno e a alumna responsable do seu traballo e educación.

         ”Nós” sodes vós aínda que pareza raro. Todo o que fixo Xoán Bautista: todo o que fan os Irmáns e Profesores; todas as preocupacións dos pais téñenvos a vós como centro. La Salle vive impulsando todo o que se fai aquí para o voso ben. Ese cadro, coa súa imaxe, é o sinal visible da súa presenza invisible; é lembranza de alguén que viviu seguindo a Xesús, ao servizo dos nenos. Cando nós o miramos, aínda que sexa por encima, el dinos, aínda que non o notemos: ¡veña, esfórzate; goza, crece, vive, merece a pena o que fas!